do-frogst-di.bayern
Zurück zur Hauptseite
mailadresse
IRGENDWIE UND SOWIESO
Die besten Zitate
So manches der Zitate aus „Irgendwie und Sowieso“ zeigt die eine oder andere bayerische Eigenart,
ohne die die Bayern bei Weitem nicht so interessant wären...
Zudem skizzieren die Zitate auf den zweiten Blick oft auch die Figuren der Serie.
Viele Infos zur Serie finden sich auf der Fanpage.
Dort gibt es auch eine Seite mit vielen vielen Zitaten.
Folge 1Folge 2Folge 3Folge 4Folge 5Folge 6Folge 7Folge 8Folge 9Folge 10Folge 11Folge 12
Folge 1: „Ringo“  nach oben
Effendi:
(über Sir)
„Des gibts doch ned. Jetzt frisst er scho im Schlaf Joghurt.“


Berti: „Des dad i liawa bleim lassn.“
Binser: „Warum?“
Berti:

„Warum? Do mogst noch frogn. Weil nämlich die Hälfte vo de Zuschauer do bei uns in da Fabrik oawad.
Wenn die sehng, dass da Chef do an Ochs eireibt, des is guad fürs Image...“
Binser: „Kümmer du dich um dei Image. Wennsd moanst, dass ma mit sowos sei Image verliert, no host üwahaupt koans ghabt.“

Binser: „Und fia wos soi des dann guad sei, die Umgehungsstroß?“
Bürgermeisterin: „Geh Martin, frog doch ned so bleed. Fian Verkehr!“
Binser: „So, so, fian Verkehr... Des war des erste Moi, dass fian Verkehr a Umgehungsstroß baut werd.

Der Spruch
schlechthin

„Hinterm Binser – vorderm Binser
links und rechts vom Binser
alles Land ist inser.“

Effendi: „Wer hot, der hot. Gell, Herr Fabriksbesitzer?!“
Binser: „Ja, und wer ned hot, der mecht' gern, Herr Gymnasiast!“

Folge 2: „Die lange Nacht“  nach oben
Prostituierte: „Mia hom koan Himbeerjoghurt ned. Kriagst nur im Konsum. Der mocht aber moign erst auf. Iss hoid a a Schinknbrot!“
Sir Quickly: „I mog koa Fleisch!“
Prostituierte: „Mogst du übahaupt koa Fleisch?“
Sir Quickly: „Normalerweis scho, owa heid ned.“
Prostituierte: „Ja wos mogstn dann?“
Sir Quickly: „Gscheide Musik!“
Prostituierte: „Ja dann leg hoid a Plattn auf.“
Sir Quickly: „Des is koa Musik!“
Prostituierte:

„Freili is des a Musik. Des san ja Schallplattn.
Außerdem is ma des jetzt zbled. Üba so an Schmarrn konnst di mit deina Freindin unterhoitn!“
Sir Quickly: „I hob koa Freindin.“
Prostituierte: „Ja dann geh hoit hoam.“
Sir Quickly: „I hob koa dahoam.“
Prostituierte: „Donn leg di hoid a do her.“
Sir Quickly: „I bin ned miad.“

Sir Quickly: „A Liad muaß a Gfui hom.“

Sepp: „Tango... Beste Zeit?“
Tango: „Ja loss ma mei Ruah!“
Sepp: „Beste Zeit?!“
Tango: „Unsere!“
Sepp: „Beste Gegend?“
Tango: „Unsere!“
Sepp: „Bestes Auto?“
Tango: „Caddy Neinafuchzg!“
Sepp: „Beste Musik?“
Tango: „Unsere!“
Sepp: „Bester Song?“
Tango: „Jambalaya!“
Sepp: „Na oiso. Brenn eahna d'Fuaßsoin ob!“

Sir Quickly: „Und du loss ma mei Ruah und schleich de! Und außerdem werd dei Lackaff eh scho woatn.“
Christl: „Mein Gott, Sir, des woa a flüchtiger Bekannter!“
Sir Quickly: „Dofier hostn owa ziemlich guad kennt!“

Sepp: „Irgendwann, do muaß jeda moi hoamgeh. Egal, wo des donn is.“

Folge 3: „Sir Quickly und die Frauen“  nach oben
Sepp: „Da Sir braucht a Frau; und Winter werds a!“
Effendi: „Wos hotn da Winter mit aner Frau z'doa?“
Sepp: „Wenns Winter werd, no weads koid und no braucht ma a woams Bett... und die besten Betten hom immer no die Weiber!“

Tango:

„Hoachds amoi Amigos, kennts ihr mir vielleicht de zwoa Chicks do aus Kolbermoor obnehma? (...)
Donn sog i nur no oans: Vajas con dios amigos!“
Sepp: „Und ihr seids also aus Memphis?“
Chicks: „Woos? Mia san aus Kolbermoor!“
Sepp:


„Memphis, sog i jo... Schau her: Bayern liegt genau in der Mitte von Europa. Und Europa is genau die Mitte von der Welt.
Und wemma von irgendwos die Mittn is, komma die Umgebung selbst bestimmen.
Also is München Manhattan und Passau ungefähr... die Mongolei. Ja und mir, mir san von... Texas!“
Chicks: „Du und sog, und wos is dann Bad Aibling? Weil do hob i a Tante.“
Sepp:

„Bad Aibling... Des is, woat amoi... Bad Aibling...
Bad Aibling... Jetz geh ma moi davon aus, dass Rosenheim Dallas is...“

Christl: „Wie komma bloaß Remigius hoaßn? (...)“
Remigius:

„(...) Du, Remigius, des is ein urbayerischer Name.
Mein Urgroßvater hot scho Remigius ghoaßn, mei Großvater hot scho Remigius ghoaßn.“
Sei Spezl: „Und a da Vater hot Remigius ghoaßn.“
Remigius:

„Richtig, genau. Alle hams Remigius gheißn, alle, soweit i zruckdenga ko.
Des liegt bei uns praktisch in der Familie, verstehst?“

Sepp: „Effendi, wos machst du eigentlich, wenn amoi wos ohne Grund bassiert?“
Effendi: „Wos i da mach? Ja du Sepp mei du, irgendwie... ohne Grund?!“

Folge 4: „Eiskalt und knallhart“  nach oben
Sir: „I muaß da wos sogn“
Christl: „Ja was is denn no?“
Sir: „Bei mir is' as erste Moi.“
Christl: „Wos? Also willst du mir damit jetzt sogn, oiso dass du no nia??“
Sir: „Ja, i hob no nia in am Hotäi üwanocht!“
Christl: „Donn is des hoid jetzt es erste Moi!“
Sir: „Irgendwann is immer es erste Moi, irgendwie...“

Christl: „Warn ma bloß am Chiemsee bliebn...“
Sir: „A Brezn jedenfois hed neda so gschebberd!“

Christl: „Mei, des schmeckt hoid ois anders. Aber wemma si erstamoi dro gwohnt hod...“
Sir: „So long woit' i eigentlich ned bleibn.“

Sir:


„I hob hoid bloß gsogt, dass i den See ned mog. A See is bloß dann a See, wemmas ondere Ufer siggd.
Und wemma bei am See des ondere Ufer ned siggd, donn is koa See mehr. Sondern donn is.. is a Meer.
Und a Meer mog i hoid ned.“

Folge 5: „Liebe“  nach oben
Binser: „Ach Sepp, die Zeiten san a nimmer das, was amoi worn. Und mit die Weiber gehts auf und auf bergob!“

Effendi: „Sepp, i muaß die loskriang. Verstehst? Die macht mi fertig.“
Sepp: „Ja na haus hoid zum Deifi!“
Effendi:

„Du mit deiner Hau-Ruck-Psychologie! Sepp, diese Frau is a Phänomen.
Die hat nur eine einzige Sache im Kopf! Aber es passiert nix...“
Sepp: „Warum gehstn überhaupt ins Bett mit ihr, wenn nix bassiert?“
Effendi: „Sepp, du vastehst mi ned. Atmosphärisch bassiert nix! Im Kopf, im Kopf bassiert nix!“
Sepp: „Do dazua hob i no nia an Kopf braucht!“
Effendi:

„Schau her: I geh mit der ins Bett. Ok. Und nachher is alles wie vorher.
Ich geh zum Fenster, schau raus, schau sie an und merke: Es is nix bassiert.“
Sepp: „Es werd aber dir glei was bassiern, wennsd mit deim Schmarrn ned aufheast!“

Folge 6: „Nur keine Panik“  nach oben

Folge 7: „Rallye“  nach oben
Sepp:
(zu Effendi)

„Du bist da oanzige Mensch, der den gonzn Dog nur Schrott daredt' und am Omnd no symapthisch is.
Des is a Begabung! Des hob i da scho amoi gsogt. Domit konnst as weid bringa, grod in unsara Zeit.
Jetzt schlog i da oba trotzdem vor, dassd as Maul hoist, zumindest die nächste hoiwe Stund.“

Effendi: „Willst du da durch?“
Sepp: „Ned nur i. Do nimm i di und an Bus a no mit!“
Effendi: „Sepp, des geht ned! Sepp!“
Crash an der Unterführung
Sepp: „Des kann ja ned geh! Des is ja geteert!“
Effendi: „Ja logisch.“
Sepp:


„Nix logisch! Ich kenn die Unterführung nur ungeteert...
Siehstas amoi, wos a boor Zentimeter ausmacha!
Woaßd was, den mäid ma o. Am Patentamt.“
Effendi: „Wieso Patentamt?“
Sepp: „Do: As erste Buscabrio der Wäid!“

Sepp: „Oiso, wenn mi amoi oana frogt, wos i in die letzten zwoa Johr gmocht hob...“
Effendi: „Wos sogstn dann, Sepp?“
Sepp: „Dass i die meiste Zeit mit Irgendwie und Sowieso beinanda war!“
Effendi: „Wos isn los?“
Sepp:

„Ja, du: Da Irgendwie, der si immer irgendwie in irgendwos neiredt.. und wieda rausredt, selbstvaständlich.
Da Onda, da Sir: Da Sowieso, der mit soiche Kuahaugn in da Wäidgschicht rumrennt und dem sowieso ois wurscht is.“
Effendi: „Sepp, weißt du was, des war a hoibads Gedicht.“

Folge 8: „Manhattan“  nach oben
Binser: „So, des wärs also!“
Effendi: „Manhattan!“
Sepp: „Ja wenns as nur grod war!“
Binser: „Wos?“
Sepp: „Manhattan.“
Sir: „Ja, wos war donn, wenns es war?“
Sepp:

„Wos donn war? Do dad i jetzt Ecke Dreizehnte/Hudson Street geh und dad beim Maccaroni-Henry a Lasagne essn.
Vorausgesetzt...“
Effendi: „Wos?“
Sepp: „... dass a no lebt!“

Binser: „Also. Vor uns: Steinhausen, Haidhausen und Bogenhausen. Des ganze Vorstadtglump scheidet aus.“
Sepp: „Bleim no Achthunderttausend...“
Binser: „Links: Grünwald, Tierpark, Harlaching, Solln. Alles uninteressant.“
Sepp: „Wieda Zwoahunderttausend weniger...“
Binser: „Rechts: Freimann, Moosach, Oberwiesenfeld, Nymphenburg, Gern, Pasing. Auch gestrichen.“
Sepp: „Bleim noch Dreihunderttausend...“
Binser:

„Bleibt noch vor uns: Beim Deitschn Museum/Innenstadt. A Teil vo Giasing, Hauptbahnhofgegend und Schwabing.
Und do is' irgendwo und auf des konzentriern ma uns!“
Effendi: „Aber Da wohnen niemals dreihunderttausend Leute.“
Sepp: „Nimm hoid d'Häifde, wenn di des beruhigt!“

Binser:
(zu Effendi)
„Deine Jugend verzeiht viel... aber nicht alles! Gell?!“


Sepp: „Sog amoi! Dass du so liang konnst, des hätt i ned gedacht...“
Binser: „Ja wia moanstn du, dass i sonst zu dem Hauffa Gäid kemma war!“

Binser: „Lach ned so bleed! Wemma wos mocht, soi mas gscheid mocha!“

Gräfin: „(...) ein schöner durchstrahlter Astralleib!“
Effendi:
(zu Sir)
„Jetzt hostas! Du hast koa Wampn, du hast an Astralleib.“


Gräfin: „Ich leb vegetarisch. Ich hab nur Kräuter und Joghurt im Haus.“
Sir: „Joghurt?! An Früchtejoghurt a?“
Gräfin: „Ja, jede Menge.“
Sir: „Ja dann fäid si jo nix!“

Sir: „A richtige Freindin hob i gar ned.“
Gräfin: „Und warum nicht“
Sir: „Ja mei, schau mi hoid o, i bin ja viel z' dick... z' fett...“
Gräfin: „Is des schlimm?“
Sir: „Na, schmlimm ned, oba.. schee is' a ned.“

Sepp: „Du muaßd amoi wieda a boor Pfund obnehma!“
Binser: „A Mo ohne Bauch is wia a Frau ohne Busen!“

Sepp: „Wäicha Idiot hotn eigentlich zu der Stodt Manhattan gsogt?“
Effendi: „Des warst du.“
Sepp: „Do muaß i bsoffn gwesn sei.“

Folge 9: „Indien und Umgebung“  nach oben
Sepp: „Ois, was fahrt, kamma irgendwie schneller mocha.“
Charly: „Dann bau doch irgendwas, was uns hier wegbringt; so schnell und so weit wie möglich.“

Sir: „Sog amoi, hinter die Berg do, do liegt doch glei Soizburg?“
Effendi: „Ja irgendwie, irgendwo...“
Sir: „Salzburg, Freilassing, Rosenheim, Ebersberg, Texas... In zwoa Stund' war ma dahoam!“
Effendi: „Konnst amoi mit dem dahoam aufhean? Des is ein sentimentaler Schmarrn!“
Sir: „I wui oba hoam!“
Effendi: „Du host doch übahaupt koans!“
Sir: „A Mensch hot a Dahoam, dass a weggeht und dass a wieda zruckkimmt.“

Sir: „A Mensch braucht sei Hirn zum Denken und zum Mist mocha.“

Folge 10: „Eine von uns“  nach oben
Charly: „Ja kruzefix nomoi. Geh hie und red!“
Binser: „Du, sog des no amoi.“
Charly: „Was?“
Binser: „'Was' heißt 'wos'?“
Charly: „Wos?“
Binser: „Ja du redst ja unser Sprach... Du bist ja oane von uns!“

Sepp: „Sei ma ned bees, oba i kimm do so ned nei. Wo sanndn meine Sockn, die dünna weißn?“
Mutter: „In da Wäsch.“
Sepp:

„Glaubstas. Imma wennis brauch na sans in da Wäsch! Die dünna weißn! Na schlupf i hoid wieda a so nei...
Wo isn dea Gürtl?“
Mutter: „Wos fia a Gürtl?“
Sepp: „Ja dea Gürtl hoid... Woaßt scho, dea mit dem Indianazeig drauf.“
Mutter: „I woaß nix von an Indianagürtl oda dass du so oan hom soitst.“
Sepp: „Den soiti ned hom, den hob i scho.“
Mutter: „Ja wo is a denn donn?“
Sepp: „Ja drum frog i di ja.“

Hanna:

„I heirat in zwoa Stund' und du, do frogst mi wo dei Gürtl is. Is des ois, wosd mit mia redn wuist?
Sepp, wann wachst du auf?“
Sepp: „Um Siemme in da Regel!“
Hanna:



„(...)I moan, wann du do aufwachst.
Wann du endlich amoi eisiegst, dass die Zeit der großen Sprüche und schnellen Autos vorbei is, a fia di?!
Damit komma doch ned oid wern, Sepp! Irgendwann muaß ma doch amoi wissn, wos ma wui.
Wenn ned, dann mocht ma die ondan, die an oan glauben, kaputt damit. Ma konn doch ned a Lebn lang wartn.“

Sepp: „Oiso. Na bagg mas!“
Effendi: „Du Sepp, mia ham auf dich gewartet! Mei, i sog das nur.“
Sepp: „Na sog i ja: Bagg mas.“
Effendi: „Guad, bagg mas!“
Sir: „Wemma imma nur sogn 'Bagg mas' und ned fahrn, weamas nie bagga!“

Folge 11: „Auf und auf – bergab“  nach oben
Burger: „Und jetzt?“
Christl: „Wos?“
Burger: „Wos is jetzt?“
Christl:

„Jetzt is hoid irgendwie ois ganz anders.
Gestern wars noch so wie früher und jetzt, jetzt is' so wie nachher. Und i glaub, dass' früher scheena war.“

Binser:

„Freiheit... dass i ned lach. Freiheit gibt es nicht! Es gibt nur Wahrheit... und die is grausam genug.
Die wenigsten kennas, die meisten gebn nur an damit. Aber des is genau wie mit die Weiber!“
Effendi: „Wos hotn die Wahrheit mit die Weiber zu tun?“
Binser: „Wennsd as host, brauchst nimma davon redn, so is des!“

Effendi: „I werd Vater. I kriag a Kind.“
Binser: „Des is des erste Moi, dass i vor dir Respekt hob, Hundling, graisliger. Jetzt sog bloß, an Weininger sei Narrische?!“
Effendi: „Ja genau.“
Binser: „Na hoffentlich weads koa Skorpion.“

Binser: „Es gibt a Zeit, da is ma mitanand und es gibt a Zeit, da gehts ausanand. Und die geht jetzt o.“
Effendi: „Und jetzt?“
Binser: „Jetzt? Weads hintn heha wie vorn. Jetzt gehts auf und auf bergab.“

Folge 12: „Miteinander – auseinander“  nach oben
Binser:

„Sepp, wennsd jetzt gmocht hättst, wosd ned gmocht host, na weasd ned mei Bua gwesn.
Und, Sepp, lass da nix gfoin, von Nix und Niemand auf da Wäid“
Sepp: „Des hob i no nia und des weari a nia.“

Hanna: „68.000 Mark! Für wasn des?“
Sepp:

„Für 35 Johr. Billig gnua!
Des hau ma jetzt aufn Kopf!“
Hanna: „Sowieso.“

Tango: „So, und i geh Jetzt. Wei i muass nämlich no Baggl ausfohrn. (...)“
Sepp:



Du bleibst do! Wei so long mir feian bleibst du do! Und mia feian so lang, bis dieser Lebens-Scheck beim Deife is!
(sortiert die Baggln ausanand und liest die Orte der Empfänger vor)
„Dallas, Memphis, Boston, Chicago, Charly, Charly, Chicago, Charly, Charly und Charly (...)
Bad Aibling – pfui Deifi, Charly, Alabama, Louisiana, Charly, Memphis, Alabama, Texas, Louisiana, Massachusetts (...)“

Tango:
(letzte Worte)


„Yeah sog i! Des easde Moi, Sepp, vastehst du?! Seit zehn Johr hob i mi des ned traut, seit zehn Jahren!
Vastehst du? Jetzt bist du nimma da Oanzige, der des bringt. Jetzt hast du Konkurrenz, mein Lieber!
Woast, wos i do sog? Jambalaya sog i! Jambalaya and a crawfish pie and a file' gumbo.
Charly, wos sogst jetzt?! Oamol is koa Mol, ha?!“

Sepp: „Oiso dann, mochts as guad, i geh jetzt.“
Effendi: „Wo gehstn hie?“
Sepp: „Hoam.“
Effendi: „Gut, komm i morgen Nachmittag vorbei, wei i hob no dei Auto.“
Sepp: „Des schenk i da. I geh für immer weg, Effendi!“
Effendi: „Du host doch gsagt 'hoam'.“
Sepp:


„Du für mi is überall anders mehr 'dahoam' als wie do.
Und irgendwann muass jeda amoi hoamgeh. Egal, wo des dann is.“
(zu Sir Quickly): „Konnst di no erinnern?“
Effendi: „Und mir?“
Sepp:

„Ihr?“ (zu Effendi:) „Na du gehst nach München, studierst und ziagst dei Kind auf.“
(zu Sir Quickly:) „Und du gehst hoam, da, wosd hie gheast!“

Unterbergerin: „Wos lachstn do so bleed?“
Sir Quickly:

„Irgendwie, Unterbergerin, gehts doch immer um den selben Schmarrn.
Aber scheiß da nix drum! I scheiß mir a nix drum... oiso nix mehr.“

Sir Quickly:
(zur Gräfin)
„... und übahaupt gfoit ma des ois irgendwie nimma!“

Gräfin: „Sir, was is los? Sag mir doch, was los is.“
Sir Quickly:

„Irgendwie is ois anders: Da Binser hot sei Fabrik aufgehm.
Da Sepp is weggonga.. 'hoam'.“
Gräfin: „Wo isn des?“
Sir Quickly: „Dahoam... wo des is? Dahoam is do, wo's Gfui is!
Gräfin: „Irgendwann is jeder Urlaub mal zu Ende.“
Sir Quickly: „Richtig!“

Kerschbaumer: „Wo host dei debbads Moped?“
Sir: „Irgendwo.“
Kerschbaumer:

„Des muaß si olles endan! (...) Warum wüst du, dass i mit ham kumm?
Ghead des sowieso dir letztendlich, irgendwie.“
Sir: „Sowieso!“

Gräfin: „Ich möcht' meinen Urlaub verlängern. Is des ok?“
Sir: „Sowieso!“

nach oben
Letzte Aktualisierung dieser Seite: 20.09.2016
Zurück zur Hauptseite
mailadresse